About Me

ဖြိုး အလ်ဝိုင်
View my complete profile

ဘာသာခြားများ မေးခွန်းအတွက် အဖြေများ (၇)


ဘာသာခြားများ မေးခွန်းအတွက် အဖြေများ (၇)

မေး- ကျတော် နာမည် mukay ပါလို့မိတ်ဆက်ပါရစေ။ အမှန်တော့ MUKESH ပါ။ မြန်မာ နာမည်လည်း ရှိပါတယ်။။ ကျ တော့် မြန်မာနာမည်နဲ့  လူတယောက်ကို မိတ်ဆက်လိုက်ရင် ကျတော်ရုပ်ကြည့် ပြီး ဘ၀င်မကျကြဘူး ထင်လို့ မေ့လိုက်ပြီ ဗျာ။။ ကာလ ဒေသပြောင်းလည်းလို့ ဖြစ်ပေါ်လာတဲ့ mukay သည်လျှင် ကျတော်နာမည်အစစ်ဖြစ်တယ်ခံယူမိတယ်။။ ဟိန္ဒူ လိုလည်း မနေနိုင် မြန်မာရုပ်လည်း မရနိုင်တဲ့ ဘ၀ မဟုတ်လား။။ ကျတော် နာမည်လေးနဲ့ လေရှည်ရတာကတော့ ကျ တော် လည်း မြန်မာပြည်မှာ မွေးလာရတဲ့ ကုလားတယောက်ရဲ့ ရိုက်ခက်မူကို ထဲထဲဝင်ဝင် ခံစားတဲ့ လူဆိုတာ သိစေချင် လို့ ပါ။။

ကျတော်အကို ကို စာရေးချင်စိတ်ပေါ်လာတာကတော့-
(၁) ဂျီဟတ်ဆိုတာကိုကို သဘောပေါက်ချင်လို့ ပါ....
(၂) အလာဟ်အရှင်မြတ်အား အကြွင်းမဲ့  မယုံကြည်သူတွေ ကာဖာရ် ဖြစ်တယ် ဆိုတဲ့ စကားကို ရှင်းပြပေးပါ..

ဖြေ- (၁) မိတ်ဆွေ မေးထားတဲ့ မေးခွန်းလေးက စိတ်ဝင်စားစရာပါ။ ပိုပြီး စိတ်ဝင်စားမိတာက- လူတစ်ဦး ဖြစ်ပြီး ပတ်ဝန်းကျင်ရဲ့ ပရောဂကြောင့် စိတ်နှလုံး ထဲမှာ လူ့အခွင့်အရေးကို အပြည့်မ၀ မခံရတဲ့ အားငယ်စိတ်ကို တွေ့ရပါတယ်။ ဘာသာတရား အားလုံးက အဲ့လို မတရားမှု၊ မမျှတမှုကို တော်လှန်ဘို့ တိုက်ရိုက်ဖြစ်စေ၊ သွယ်ဝှိက်ပြီး ဖြစ်စေ၊ ပုံသဏ္ဍာန်ဆောင်ပြီး ဖြစ်စေ သင်ပေးပါတယ်။ အဲ့ဒီလို တော်လှန်ခြင်းကို ကုရ်အံက “ဂျီဟာ့ဒ်”လို့ သုံးပါတယ်။

သမိုင်းအရတော့- အိန္ဒိယတိုက်မှာ မူလဘူတ ဒြာဗီဒီယန်းတွေနေထိုင်ခဲ့တယ်။ (သူတို့ထက် ရှေ့ကျတာလည်း ရှိနေနိုင်ပါ တယ်) မြောက်ပိုင်းက အာရီယာန်တွေဝင်လာတော့၊ နောက်ပိုင်းဝင်လာသူတွေလို ခံစားရပြီး အားငယ်စိတ်ရှိခဲ့တယ်။ ဒီအခါ မှာ ရာမကရစ်သျှနက “ဒါ- ငါတို့မြေပဲ၊ လူသားဟာ ကမ္ဘာမြေမှာ နေထိုင်ခွင့်ရှိတယ်လို့ ရင့်ကျူးပြီး အဲ့ဒီက မြေကို ကောက် ကိုင်လိုက်ကာ- နှဖူးမှာ သုတ် လိုက်တယ်။ အဲ့ဒီကစ ဟိန္ဒူရိုးရာမှာ နှဖူးမှာ မြေသုတ်၊ နောက်ပိုင်း အမွေးတိုင်က ပြာကို သုတ်၊ နောက်ပိုင်း ဆင်တူရ် ဆိုပြီး ဖြစ်လာတာ၊”လို့ ဖတ်မှတ်ဘူးပါတယ်။ ဒါဟာ လူတွေရဲ့ အားငယ်စိတ်ကို ဖြေဖျောက် တော်လှန်တဲ့ စိတ်ပိုင်းဆိုင်ရာ တော်လှန်မှု “ဂျီဟာ့ဒ်” ဖြစ်ပါတယ်။ မြေလုပွဲ မဟုတ်ပါ။ ဒြာဗီဒီယန်းတွေကိုယ် တိုင်က အိန္ဒိယ တောင်ပိုင်းမှာသာ နေခဲ့တာပါ။ အာရီယာန်တွေက ခိုင်ဘာတောင်ကြားလမ်းကို ကျော်လာပြီး မြောက်ပိုင်းမှာ အခြေ ချခဲ့တာပါ။ မြန်မာနိုင်ငံကို တီဘက်မြန်မာလူမျိုးစုတွေ ၀င်လာသလိုမျိုးပေါ့။ (နောက်ပိုင်းနှစ်များစွာ ကြာမှ မြောက်ပိုင်း တောင်ပိုင်း နယ်မြေဆက်စပ်လာပြီး စစ်ဖြစ်တာက နောက်ဖြစ်ရပ်တစ်ခုပါ။ မြန်မာနိုင်ငံမှာ မြောက်ပိုင်း မြန်မာများနဲ့ တောင် ပိုင်း မွန်များ စစ်ဖြစ်ခဲ့သလိုမျို ဖြစ်ပါတယ်။ ဒါတွေက အုပ်ချုပ်မှုနယ်မြေကို တိုးချဲ့တဲ့ မင်းတွေ၊ ဘုရင်တွေကြောင့်သာ ဖြစ်ပါ တယ်။)

သာသနာရေး ဉာဏ်ဆောင် ပုဂ္ဂိုလ်ဆိုတာက ဘုရင်တွေလို အမွေဆက်ခံခြင်း မရှိပါ။ ရာမကရစ်သျှန လို ပုဂ္ဂိုလ်မျိုး လွန် သွားတော့ ဘာသာရေးက ဘာသာရေးလုပ်ငန်းစဉ် ဆက်လုပ်သူတွေ၊ တိုင်းပြည်ကို ဆက်ခံအုပ်ချုပ်တဲ့ အုပ်ချုပ် သူ လူ တန်းစားတွေ ကွဲပြားလာတယ်။ အုပ်ချုပ်သူမင်းများက နယ်မြေတိုးချဲ့ စစ်တွေ ဖြစ်လာတယ်၊ ဘာသာရေးသမားများက လိုက်ပြီး ဖြန်ဖြေပေးတယ်။ ဒီလိုမျိုးတွေ ဖြစ်လာတယ်။ ဒီလို ဖြန်ဖြေပေးတော့ ဘာသာရေးသမားများက သြဇာရှိလာတယ်။ မင်းတွေ ဘုရင်တွေ၊ လူမျိုးစုံက ကြည်ညိုလေးစားလာတယ်။ (ဒီအခါမှာ ဘာသာရေး လူတန်းစားက တဖြေးဖြေးနဲ့ ပူဇော် ပ သခံ လူတန်းစား တစ်ရပ် ဖြစ်လာတယ်။) အတိုင်းထက် အလွန် လူတန်းစား ကွဲလာတဲ့အခါမှာ နောက်ထပ် ဉာဏ်စဉ် ဆောင်တစ်ပါး ထွန်းပေါ်လာခဲ့တယ်။

ကိုယ်တော်ဂေါတမ ဆိုပါတော့၊ သူဟာ အခွင့်ထူးခံ ဘာသာရေး လူတန်းစားကြီးကို တိုက်ဖျက်ရတယ်။ ဒီဃနီကယ် စက္က ၀တ္တိသုတ်၊ အဂ္ဂညသုတ်လောက်ကို ဖတ်ကြည့်ပါ။ ဘယ်သူမှ ဘုရားသားတော် မဟုတ်ဘူးဆိုတဲ့ အယူကို တိုက် ဖျက်ရ တယ်။ ဒါကို ဂျီဟာ့ဒ် လို့ ခေါ်ပါတယ်။ အယူအဆတစ်ခုကို တော်လှန်ရတယ် ဆိုတာ ပြောသလောက် မလွယ်ပါ။ လူထုကြီး ရဲ့ အရိုးစွဲ ကြည်ညိုပြီး စိတ်နှလုံးကိုပါ စိတ်တော်လှန်ရေးလုပ် ပြုပြင်ပေးရတာပါ။ သိမ်ငယ်နေတဲ့ စိတ်များကို ဖြေ ဖျောက် ပေးရတာပါ။

တစ်ဖြေးဖြေးနဲ့ ဘာသာရေး လူတန်းစားဟာ ဘုရား လူတန်းစား ဖြစ်လာပြန်တယ်။ ဒါကို ကိုယ်တော်ယေရှုလက်ထက်မှာ တော်လှန်ရပြန်တယ်။ ရှင်ယောဟန်ကျမ်း ၁၀း ၃၅၊ ၃၆ ကို လေ့လာကြည့်ပါ၊ ဉာဏ်စဉ်ရတဲ့ လူတွေကို ဘုရားခေါ်ခဲ့တာပဲ၊ ငါက ငါ့ကို ငါ ဘုရားသားတော်လောက်ပဲ ပြောတာ ဘာအပြစ်ရှိသလဲ ဆိုတဲ့ စကားလုံးကို တွေ့ရလိမ့်မယ်။ ဒါဟာလည်း လူတွေကို လူတန်းစား ညှိပေးတဲ့ ဂျီဟာ့ဒ် တစ်ရပ် ဖြစ်ပါတယ်။

ဒါပေမယ့် ဘာသာရေး လူတန်းစားဟာ သီးခြား ပေါ်လာပြန်တယ်။ ဒီနောက်မှာ ကိုယ်တော်မုဟမ္မဒ်ပေါ်လာတယ်။ ဘာ သာရေး၊ လူမှုရေး၊ စီးပွားရေး၊ နိုင်ငံရေး၊ ဥပဒေ ရေးရာတွေကို သီးခြားစီ ပြဌာန်းပေးတယ်။ လူတန်းစား မညီမျှကို တိုက် ဖျက်ရတယ်။ ဒါကို ဂျီဟာ့ဒ် လို့ ခေါ်ပါတယ်။

ဒီနေရာမှာ ဉာဏ်စဉ်ဆောင် အားလုံးဘက်က ပါဝင်တော်လှန်ပေးတဲ့ ပုဂ္ဂိုလ်တွေက ဂျီဟာ့ဒ်ကို အကောင်အထည်ဖေါ် ပြီး လူလူချင်းညီမျှစေဘို့၊ လူတွေရဲ့ ခွဲခြားခံရမှုများ သိမ်ငယ်စိတ်ဖြစ်ပေါ်နေရမှုများကို တော်လှန်ပေးရလို့- “ဘာသာရေး အ တွက် ကိုယ်စားပြု တော်လှန်တိုက်ခိုက်ပေးရတာ”လို့ အမြင် ဖြစ်လာပါတယ်။ တစ်ကယ်တော့ ဘာသာရေး အတွက် ဆိုတဲ့ သီးသန့်မဟုတ်ပါ။ ဉာဏ်စဉ်ဆောင်များ လမ်းပြတဲ့ တရားမျှတသောလမ်းစဉ်အတွက် တော်လှန်ရခြင်းသာ ဖြစ်ပါတယ်။- မည်သည့် တရားမျှတမှု အတွက်မဆို တော်လှန်ခြင်းကို ဂျီဟာ့ဒ် လို့ခေါ်ပါတယ်။ တရားမျှတမှု အတွက် လှုံဆော်ခြင်း- ဖြန့် ချီခြင်း- ပညာပေးခြင်း အားလုံးဟာ ဂျီဟာ့ဒ် ဖြစ်ပါတယ်။

ဘာသာတစ်ခုကို မကိုးကွယ်လို့ အတင်းတိုက်ခိုက် ဘာသာထဲကို သွတ်သွင်းခြင်းဟာ ဂျီဟာ့ဒ် မဟုတ်ပါ။ မွတ်စလင်တွေ အိန္ဒိယကို ဘယ်လိုရောက်လာသလဲ။ အိန္ဒိမှာ မွတ်စလင်မင်းတွေ နှစ်ပေါင်း ဘယ်လောက် အုပ်ချုပ်ခဲ့သလဲ။ လေ့လာ ကြည့်ပါ။ မီဒီယာများ၊ လူ့အခွင့်အရေးများ မရှိမှီ ခေတ်ကာလက အတင်းသာသနာပြုမယ်ဆိုရင် အိန္ဒိယမှာ ဟိန္ဒူ၊ ဗုဒ္ဓ ဘာသာ၊ ဆာ့ခ် ကျန်ခဲ့မယ်လို့ ထင်ပါသလား။ နောက်ဆုံး အာရဗ်ကို ပြန်ကြည့်ပါ။ ဒီနေ့ထိ အာရဗ်မှာ ခရစ်ယာန် ၁၅ ရာ နှုန်း၊ ဂျူး ၅ ရာနှုန်းလောက် နိုင်ငံတိုင်းမှာ ရှိနေပါတယ်။ လက်ဘနွန်နိုင်ငံမှာ ဆိုရင် ဖွဲ့စည်းပုံထဲမှကို ခရစ်ယာန်သည်သာ သမ္မတ ဖြစ်ရမယ်လို့ ရေးထားတယ်။

မွတ်စလင်တွေထက် နောက်ကျပြီး အနောက်နိုင်ငံသားတွေ၊ တောင်အမေရိကတိုက်ကို ၀င်ခဲ့တယ်။ မီဒီယာမရှိ၊ လူ့အခွင့် အရေးမရှိတော့--၊ တောင်အမေရိက တစ်တိုက်လုံး-- ဘာသာပြောင်းပေးခဲ့ရတယ်။ မြောက်အမေရိက-က Native တွေ လည်း ဘာသာပြောင်းပေးခဲ့ရတယ်။ နှိုင်းယှဉ်လေ့လာကြည့်ပါ။ နောက်ဆုံး အစွန်အဖျားဝင်လာတဲ့ အာဆီယံထဲက ဖီလစ် ပိုင် နိုင်ငံလည်း ဘာသာပြောင်းပေးခဲ့ရတယ်။ (တောင်ပိုင်းမှာပဲ အစ္စလာမ်ဘာသာဝင်တွေ ရှိနေလို့ တော်လှန်ရင်း ကျန်ခဲ့ တာပါ။)

မြန်မာနိုင်ငံကို အိန္ဒိယမျိုးနွယ်တွေ ၀င်ရောက်နေထိုင်ခဲ့တာ- အခုမှ မဟုတ်ပါ။ သမိုင်းနဲ့ချီပြီး ရှိနေခဲ့ပါပြီ။ ပုဂံ အနုပညာ များ ကို ကြည့်ပါ။ မြန်မာတို့ရဲ့ အစားအသောက်များကို ကြည့်ပါ။ ဒါကြောင့် အိန္ဒိယမျိုးနွယ်တိုင်းဟာ ဧည့်သည် ဆိုတဲ့ သီအိုရီ မ ဟုတ်ပါ။ ဒါပေမယ့် အင်္ဂလိပ်လက်အောက်မှာ အင်္ဂလိပ်က တစ်နိုင်ငံလုံးကို အိန္ဒိယနဲ့ တွဲအုပ်ချုပ်တော့ အုပ်ချုပ်ရာ နယ်မြေ ပိုင်ဆိုင်မှု အလျှောက် အိန္ဒိယသားတွေ ရောက်လာခဲ့တယ်။ ဒါပေမယ့် ရောက်လာတဲ့ အိန္ဒိယသားတွေက မြန်မာကို ဒုက္ခ မ ပေးပါ။ ဆင်းရဲရင်လည်း ရိုးရိုးပဲ- ထီးချုပ်တယ်၊ ဖိနပ်ချုပ်တယ်၊ ကွမ်းယာဆိုင်ဖွင့်တယ်၊ နောက်ဆုံး မိလ္လာ အလုပ်တွေကို လုပ်တယ်။ ကိုယ့်အလုပ်ကိုယ်လုပ်စားပါတယ်။ အိန္ဒိယသား မဟုတ်တဲ့ အခြားလူမျိုးတွေက မြန်မာနိုင်ငံက ရောက်လာ တယ်- အပေါင်ဆိုင်ဖွင့်တယ်၊ ပြည့်တန်ဆာရုံဖွင့်တယ်၊ အရက်ဆိုင်ဖွင့်တယ်၊ ဘိန်းရောင်းတယ်၊ မြန်မာလူမျိုး အတွက် ကောင်းကျိုးဘာရှိသလဲ။ ဒါကြောင့် ဘယ်သူမုန်းမုန်း- ဘယ်သူက အထင်သေးသေး ကိုယ့်ဘက်က မြန်မာလူမျိုး ကို ဆိုး ကျိုးမပေးခဲ့ဘူးဆိုတဲ့ စိတ်ကို ထားပြီး အားငယ်စိတ်ကို ဖျောက်စေလိုပါတယ်။

မြန်မာနိုင်ငံရဲ့ ပထ၀ီနိုင်ငံရေးအရ- အိန္ဒိယ၊ ဘင်္ဂလားဒေ့ရ်ှနဲ့ တရုတ်က လူတွေ ၀င်လာမှာကို စိုးရိမ်ရတာ မှန်ပါတယ်။ ဒါပေ မယ့် လွတ်လပ်ရေးမှာ နယ်နမိတ် သတ်မှတ်စဉ်က မြန်မာအတွင်း ပါလာသူတွေကို မြန်မာနိုင်ငံက အသိအမှတ် ပြုရမှာပါ။ အိန္ဒိယကို ပါသွားတဲ့ ချင်း၊ ဘင်္ဂလားဒေ့ရ်ှကို ပါသွားတဲ့ ရခိုင်၊ တရုတ်ကို ပါသွားတဲ့ ကချင်နဲ့ ရှမ်း၊ ထိုင်းကို ပါသွားတဲ့ ကရင် နဲ့ မွန် လူမျိုးတွေကို သက်ဆိုင်ရာ နိုင်ငံတွေက သူ့နယ်နိမိတ်ထဲမှာ ပါလာသူများ ဖြစ်လို့ အသိအမှတ် ပြုထားတာပဲ။ အသိ အမှတ်မပြုလိုရင် အဲ့ဒီ နယ်ခြားနေလူမျိုးစုကို သီးခြားဟိုဘက် ဒီဘက် ပြန်ပေးပြီး သီးခြားလူမျိုးစု နိုင်ငံထူထောင် ပေး လိုက်ယုံပဲပေါ့။ ဒါကို ဘာသာရေးသမားတိုင်း စစ်မှန်တဲ့နိုင်ငံရေးသမားတိုင်းမှာ တာဝန်ရှိတာပဲလေ။

မိတ်ဆွေအနေနဲ့ အိန္ဒိယာ ရုပ်ရည်ကြောင့်ဖြစ်စေ၊ တရုတ်ရုပ်ရည်ကြောင့် ဖြစ်စေ၊ သိမ်ငယ်စိတ် ဖြစ်ပေါ်နေဘို့ မလိုပါ။ မိမိ က ဘယ်သူ့ကိုမှ မတော်မတရား မကြံစည်ဘူး၊ မတော်မတရား မလုပ်ဘူး၊ ဆိုတဲ့စိတ်ကို ထားလိုက်ပါ။ ဆိုလိုတာက မိမိ စိတ်ကို မိမိ ဂျီဟာ့ဒ်လုပ်လိုက်ပါ- လို့ အကြံပေးလိုပါတယ်။

(၂) အလ္လာဟ်ကို မယုံကြည်သူတွေကို အစ္စလာမ်က ကာဖရ်လို့ ခေါ်ပါတယ်။ ကာဖရ် ရဲ့ အဓိပ္ပါယ်က ဖုံးကွယ်ခြင်း လို့ ဖြစ်ပါ တယ်။ မသိလို့ မယုံတာဟာ ဖုံးကွယ်ခြင်း မဟုတ်ပါ။ သိလျှက်နဲ့ မယုံကြည်ရင် အဲ့ဒါကိုမှ ကာဖရ် (ဖုံးကွယ်သူ) လို့ ခေါ်ပါ တယ်။ မယုံကြည်သူတိုင်းကို တော်လှန် ဂျီဟာ့ဒ်လုပ်ရမယ့်လို့ အစ္စလာမ်မှာ လုံးဝ မသွန်သင်ပါ။ တရားမျှတမှု၊ လွတ်လပ် စွာ ကိုးကွယ်ယုံကြည်မှု၊ လွတ်လပ်စွာ ဘာသာမဲ့မှု၊ များကို အနိုင်ကျင့် တိုက်ခိုက်လာမှ အဲ့ဒီ တိုက်ခိုက်သူများကို ပြန်လည် တော်လှန်ရတာပါ။ မတိုက်ခိုက် အနိုင်မကျင့်ရင် ဘယ်သူမဆို လွတ်လပ်စွာ နေထိုင်နိုင်ပါ တယ်။ လွတ်လပ်စွာ ယုံကြည် နိုင်ပါတယ်။ လွတ်လပ်စွာ ပြောဆို စည်းရုံးနိုင်ပါတယ်။

အလ်ဟာ့ဂ်ျ ဦးအောင်ဒင် (မြန်မာစာ) ဘီအေ ဘီအီးဒီ အိပ်ဂျီပီ ရေးသားတင်ပြထားတဲ့ ဂျီဟာ့ဒ် ဆိုတဲ့ အကြောင်းကို ဖတ်လိုလျှင် ကလစ်နှိပ် ဒေါင်းဖတ်ပါ....
 
လေးစားစွာဖြင့်
သူရိယ

Bottom 2

ဝေဖန်အကြံပြုလိုပါက

Ĭ