အစ္စလာမ်နှင့်ဘာသာပေါင်းစုံချစ်ကြည်ရေး

အစ္စလာမ်နှင့်ဘာသာပေါင်းစုံချစ်ကြည်ရေး

"အစဉ်မပြတ် သနားကြင်နာတော်မူသော အနန္တဂရုဏာတော်ရှင်ဖြစ်တော်မူသော အလ္လာဟ်အရှင်မြတ်၏ နာမ တော်ဖြင့်အစပြုပါ၏။"

နိဒါန်း
အစ္စလာမ်ဟူသည် ငြိမ်းချမ်းသည့်သာသနာဖြစ်သည်။ မွတ်စလင်မ်ဟူသည် အလ္လာဟ်အရှင်မြတ်၊ တမန်တော် မုဟမ္မဒ်(ဆွ)နှင့် ကျမ်းတော်မြတ်ကုရ်အာန်၏ ပညတ်ပြဋ္ဌာန်းချက်များကို နာခံသူဖြစ်သည်။ အမည်နာမနှစ်ခု စလုံးသည် အလွန်ကျက်သရေ မင်္ဂလာနှင့်ပြည့်စုံသကဲ့သို့ ကြားရသူအပေါင်း စိတ်ချမ်းမြေ့ဖွယ်ရာဖြစ်စေသည်။
သို့သော် ယနေ့ကမ္ဘာပေါ်တွင် အစ္စလာမ်ဟူသော ဝေါဟာရ၏အဓိပ္ပါယ်ကို လူအနည်းငယ်ကသာသိရှိကြသည်။ များစွာသောလူများကမူ အနောက်တိုင်းမီဒီယာများ၏ တစ်ဖက်သတ်လိုရာစွဲ၊ ထင်ရာကြဲကာ မဟုတ်မမှန် ရေးသားချက်အပေါ် အခြေခံ၍ အစ္စလာမ်အားတလွဲမြင်နေ၊ နားလည်နေကြပါသည်။ မွတ်စလင်မ်ဟုဆိုလျှင် လူရမ်းကားများ၊ လူဆိုးများ၊ အကြမ်းဖက်သမားများဟု ခေါ်ဆိုနေကြသည်။ ကျွန်တော်တို့၏ ပတ်ဝန်းကျင်မှာ လည်း မွတ်စ်လင်မ်ဆန့်ကျင်မုန်းတီးရေး လှုံ့ဆော်မှုများနှင့် အစ္စလာမ်ကို အထင်အမြင်လွဲမှားစေရန် လုပ်ကြံ စွပ်စွဲမှုများကို ကြုံတွေ့နေရပါသည်။ ထို့အတွက်ကြောင့်လည်း မကြာခဏ လူမှုရေးပြဿနာများ ကြုံကြိုက်ခဲ့ရ ပါသည်။ ကျွန်တော်တို့တစ်တွေကလည်း အစ္စလာမ်သာသနာကို လိုက်နာကျင့်သုံးရာမှာ အစွန်းမရောက် အယူမသီးပဲ အစ္စလာမ်၏ သရုပ်သကန် အမှန်တရားကိုတင်ပြနိုင်ဖို့လိုအပ်ပါသည်။ ယနေ့ သူ့အကြောင်း ကိုယ်သိအောင်၊ ကိုယ့်အကြောင်းသူသိအောင်လုပ်ရန် နယ်ခြားအတားအဆီးများမရှိတော့ပြီဖြစ်သော Globalizedကမ္ဘာကြီးအတွက်အထူးပင်လိုအပ်ပါသည်။

အစ္စလာမ်၏အဓိပ္ပါယ်
ကမ္ဘာပေါ်ရှိ ကိုးကွယ်ရာဘာသာအသီးသီးပင် ထိုသာသနာကို ဦးဆောင်ပို့ချသူကို အကြောင်းပြု၍သော် လည်းကောင်း၊ ထိုသာသနာထွန်းကားရာလူမျိုးနှင့် ဒေသ၊ တိုင်း၊ နိုင်ငံ ကို အကြောင်းပြု၍သော်လည်းကောင်း၊ အမည်နာမ ပညတ်မှည့်ခေါ်ထားသည်ကိုတွေ့ရ၏။ အစ္စလာမ်သာသနာကား ဤသို့မဟုတ်ပေ။ ပုဂ္ဂိုလ်တစ်ဦး တစ်ယောက်ကို အကြောင်းပြု၍ပေါ်လာခြင်းမဟုတ်။ လူမျိုးတစ်မျိုးကိုအမှီပြု၍ ထွန်းကားခြင်းမဟုတ်။ တိုင်း၊ နိုင်ငံ၊ ဒေသတစ်ခုခုကို အရင်းခံ၍ဖြစ်တည်လာခြင်းမဟုတ်။ အထက်ပါအကြောင်းရင်းများအနက် တစ်ခုခုနှင့် ဆက်နွယ်အရင်းခံမှုလုံးဝမရှိ။ တစ်မူထူးခြားသည့်အယူဝါဒတစ်ရပ်ဖြစ်၏။ အစ္စလာမ်ဟူသော ဝေါဟာရသည်ပင် လျှင် ဤသဘောကိုဆောင်သော အဓိပ္ပါယ်မရှိချေ။ အစ္စလာမ်သည် ပုဂ္ဂိုလ်တစ်ဦးတစ်ယောက်နှင့်သာသက်ဆိုင် သည့်အယူလည်း မဟုတ်။ လူမျိုးတစ်မျိုးတည်းနှင့်သက်ဆိုင်သော ဘာသာတစ်ခုလည်းမဟုတ်။ နိုင်ငံတစ်နိုင်ငံ အတွက် ရည်းစူးထားသည်လည်းမဟုတ်သကဲ့သို့ လူတစ်ဦးတစ်ယောက်၏စိတ်ဆန္ဒ စိတ်ကူးအတွင်းမှ ပေါက် ဖွားလာသည်လည်းမဟုတ်ချေ။ အစ္စလာမ်သည် မှန်ကန်သောအကြောင်းတစ်ရပ်ဖြစ်၏။ ထူးခြားသော ဝိသေသ ဂုဏ်လက္ခဏာတစ်ရပ်ကို ဆောင်လျက်ရှိ၏။ မည်သည့်နိုင်ငံ၊ မည်သည့်လူမျိုး၊ မည်သည့်အဖွဲ့အစည်း (သို့မဟုတ်) မည်သည့်မျိုးနွယ်ကပင်ဖြစ်စေကာမူ ဤဝိသေသကို ပိုင်ဆိုင်သောသူ မည်သူမဆို မွတ်စလင်မ် တစ်ဦးဖြစ်လာနိုင်၏။ ကျမ်းမြတ်ကုရ်အာန်အရဆိုလျှင် ခေတ်အသီးသီးရှိ လူမျိုးအသီးသီးအနက်မှ ဤဝိသေသ ကိုပိုင်ဆိုင်ကြသည့် အကျင့်သီလကောင်းမြတ်ကြပြီး ဖြောင့်မတ်မှန်ကန်သော လမ်းစဉ်ကိုလျှောက်လှမ်းခဲ့သူ မှန်သရွေ့ အားလုံးမွတ်စလင်မ်များဖြစ်ကြောင်းသိရ၏။ အစ္စလာမ်သည် လောကသုံးပါးတွင် ထာဝရရှင်သန် လျက်ရှိ၏။ အစ္စလာမ်သည် ကျဉ်းမြောင်းသောလူမျိုးရေးဝါဒ၊ ဒေသစွဲဝါဒမဟုတ်သကဲ့သို့ အစ္စလာမ်၏ လမ်းညွှန် ချက်များသည် ကမ္ဘာတစ်ဝှမ်းလုံးအတွက်ဖြစ်၏။ ထို့အတူ လမ်းညွှန်ချက်များသည် အချိန်ကာလမရွေး လိုက်နာ ကျင့်သုံးနိုင်သည်ဖြစ်ခြင်းကြောင့် ထာဝရသစ္စာလည်းမည်၏။ အစ္စလာမ်တွင် ဘုရားဟူသည် ပေါင်းစည်းညီညွတ် ခြင်းကို ဖန်တီးတည်ဆောက်သည့် အနန္တစွမ်းအားတော်အရှင်၏ ရှေ့တော်မှောက်တွင် ဝပ်ဆင်းမာန်လျော့ ခြင်းဖြင့် ကမ္ဘာ့ငြိမ်းချမ်းရေးနှင့် ပေါင်းစည်းညီညွတ်ရေးတို့၏ ဘာသာရေးတစ်ရပ်အနေနှင့် အစ္စလာမ်ဘာသာက ငြိမ်းချမ်းရေးသံလွင်ခက်ကိုကမ်းလှမ်းခြင်းပင်ဖြစ်သည်။

မွတ်စလင်မ်ဟူသည်လူသားထုတစ်ရပ်လုံး၏အကျိုးကိုဆောင်ရွက်သူ
မွတ်စလင်မ်များသည် အလ္လာဟ်အရှင်မြတ်၏သာသနာကို အလ္လာဟ်အရှင်မြတ်၏ ဗျာဒိတ်တော် (ဝါ) ကုရ်အာန် ကျမ်းတော်မြတ်၏လမ်းညွှန်ချက်နှင့်အညီ တမန်တော်မြတ် မုဟမ္မဒ်(ဆွ)၏ ကျင့်သုံးဆောက်တည်မှုတို့ကို စံပြု လျက် လှုပ်ရှားလိုက်နာဆောင်ရွက်ကြရမည်။ ယင်းသို့ဆောင်ရွက်ရသည့် အကျိုးကျေးဇူးမှာကား ကမ္ဘာ့လူသား တစ်ရပ်လုံးအတွက် ပင်ဖြစ်သည်။ မွတ်စလင်များသည် ကမ္ဘာ့လူသားထုတစ်ရပ်လုံး၏ ဖွံ့ဖြိုးတိုးတက်ရေး၊ ငြိမ်းချမ်းရေးနှင့် သာယာဝပြောရေးအတွက် သယ်ပိုးဆောင်ရွက်ရမည့် လူသားထု၏ ဝန်ထမ်းများဖြစ်ကြသည်။ ဤသို့ လူသားထုတစ်ရပ်လုံး၏အကျိုးကို သယ်ပိုးဆောင်ရွက်ခြင်းသည်ပင်လျှင် အစ္စလာမ်၏ အဓိကရည်ညွှန်း ချက်အချုပ်လည်းဖြစ်သည်။ မွတ်စလင်မ်များသည် မိမိနှင့်ဘာသာတူသူများအတွက်သာလျှင် တာဝန်ရှိသည် မဟုတ်။ ဝေနေယျခပ်သိမ်း ဖွံ့ဖြိုးတိုးတက်ရေး၊ ငြိမ်းချမ်းရေးနှင့် ယဉ်ကျေးမှုထွန်းကား စေရေး၊ ပတ်ဝန်းကျင် ထိန်းသိမ်းစောင့်ရှောက်ရေးတို့ကိုပါ စွမ်းစွမ်းတမံ ကျရာကဏ္ဍမှ ပါဝင်တာဝန်ယူဆောင်ရွက်ပေးသွားရပါမည်။ ကမ္ဘာ့လူသားထုကြီး၏ ကောင်းရာ ကောင်းကျိုးကိုသာမက ဝေနေယျခပ်သိမ်းအတွက်ပါ အမြဲအရန်သင့်ရှိနေရ ပါမည်။ လူသားတိုင်းသည် ကမ္ဘာ့အိမ်ထောင်စုဝင် ညီအစ်ကိုများဖြစ်ကြသည်။ လူသားတိုင်းသည် ကမ္ဘာ့ အိမ်ထောင်စုကြီးနှင့် မိသားစုကြီးအဖြစ် ရှုမြင်ရမည်ဟု ကျမ်းတော်မြတ်ကုရ်အာန်ကဆိုထားသည်။ “လူသား တို့သည် အိမ်ထောင်စု လူ့အဖွဲ့ အစည်းတစ်ခု၏ အဖွဲ့ဝင်ညီနောင်များဖြစ်ကြသည်။” (ကုရ်အာန်ကျမ်း ၂း၂၁၃)
ဤအတွက်ကြောင့် မွတ်စလင်မ်တိုင်းသည် ကမ္ဘာ့လူသားထုတစ်ရပ်လုံး၏ အခက်အခဲ ဘေးဒုက္ခခပ်သိမ်းကို မိမိဒုက္ခဟုခံယူရမည်။ လူသားအချင်းချင်း စာနာထောက်ထားရမည်။ လေးစားချစ်ခင်ရမည်။ မေတ္တာ၊ စေတနာ ထားမပျက်ရှိရမည်။ အလ္လာဟ်အရှင်မြတ် အနှစ်သက်ဆုံးမှာ လူသားတို့၏အကျိုးကို သယ်ပိုးဆောင်ရွက်ခြင်း ပင်ဖြစ်သည်။ (ကုရ်အာန် ၂း၂၁၃) ဝေနေယျခပ်သိမ်းသည် အလ္လာဟ်၏အိမ်ထောင်စုဝင်များဖြစ်ကြသည်။ ဝေနေယျခပ်သိမ်းအပေါ် အကျိုးအပြုဆုံးသောသူကို အလ္လာဟ်က အချစ်ဆုံးဖြစ်အံ့။ (တမန်တော်မြတ်)

ကမ္ဘာ့ဘာသာသာသနာကြီးများ
ကမ္ဘာပေါ်တွင် ကျော်ကြားသည့် ကမ္ဘာ့သာသနာများအဖြစ် ဟိန္ဒူ၊ ဗုဒ္ဓ၊ ခရစ်ယာန်၊ ရဟူဒီနှင့် အစ္စလာမ်ဟူ၍ ရှိသည်။ အချို့ကို သေချာစွာသုံးသပ်လိုက်ပါက ဘာသာသာသနာ တစ်ခုနှင့်တစ်ခု ထောက်ခံနေမှုကို တွေ့ရ သည်။ အစ္စလာမ်ဆိုသည်ကို ကျမ်းတော်မြတ် ကုရ်အာန်က နာမည်ပေးထားသည်။ “ဧကန်မုချ အလ္လာဟ်အရှင် မြတ်ထံတော်ပါးတွင် ဒီန် ဘာသာ သာသနာ သည် အစ္စလာမ်ဖြစ်သည်ဟု ဆိုထားသည်။” (ကုရ်အာန် ၅း၃၊ ၃း၁၈) ခရစ်ယာန်ဘာသာသည် သူတို့ကျမ်းစာထဲတွင် ခရစ်ယာန်နာမည်မပါပေ။ ဟိန္ဒူသည် နိုင်ငံဒေသ ဟင်းန္ဒံ (ငညိ) ကို အစွဲပြု၍ပေးထားသည်။ သူတို့ကျမ်းစာများဖြစ်သော ဝေဒ၊ မဟာဘာရတတွင် သာသနာဒအမည် မပါ။ ရဟူဒီဘာသာသည် သူ့ကျမ်းစာထဲမှာမပါ။ ဗုဒ္ဓဘာသာသည် ရှင်ကြီးဂေါတမဗုဒ္ဓမြတ်စွာက ဟောကြား သည့်အတွက် ဗုဒ္ဓဘာသာ ဟုဆိုသည်။ ကမ္ဘာ့ဘာသာ သာသနာအားလုံးသည် ကောင်းမြတ်သောတရားများ ဟောကြားသည်။ ပရမတ္တအမြင်တွင် တူညီကြသည်။ နောင်တမလွန်ကောင်းစားရေးကို အားလုံးရည်စူးကြ သည်။ ကာလံ ဒေသံအလျောက် ပညတ်တွင် ကွဲလွဲကြခြင်းမှာ ဓမ္မတာပင်၊ ရှေးအယူဝါဒများမှာ ဒေသနှင့် တည်ထောင်သည့်ပုဂ္ဂိုလ်ကိုအစွဲပြု၍ အမည်ပေးထားသည်ကိုတွေ့ရသည်။ ဟိန္ဒူ မဟာယနတွင် ပရမတ် ဗုဒ္ဓ ဟူ၍ တစ်ဆူတည်းရှိသည်။ ခရစ်ယာန်တွင် သုံးပါးကိုပေါင်း၍ တစ်ဆူတည်းလုပ်ထားသည်။ ရဟူဒီတွင်လည်း တစ်ဆူတည်းကိုသာ ရည်ညွှန်းသည်။ အစ္စလာမ်တွင် တစ်ပါးတည်းသောအရှင် (သောင်ဟီးစ်) အလ္လာဟ်အရှင် သာရှိသည်။ သို့သော် အလ္လာဟ်အရှင်မြတ်သည် မွတ်စလင်မ်များနှင့် အာရဗ်များ၏ ဘုရားသခင်မဟုတ်ပါ။ အလ္လာဟ်သည် လောကအပေါင်း၊ စကြဝဠာအပေါင်း၊ ဝေနေယျအပေါင်းကို ဖန်ဆင်းပြုစုပျိုးထောင်တော်မူ သောအရှင်မြတ်သည်။

အခြားဘာသာများကိုအသိအမှတ်ပြုသောအစ္စလာမ်
အစ္စလာမ်တွင် အားနည်းချက်လုံးဝမရှိပါ။ ကမ္ဘာသူကမ္ဘာသားများကိုလမ်းညွှန်ရန် တမန်တော်များပွင့်ခဲ့သည်။ ကျမ်းတော်မြတ်ကုရ်အာန်တွင် လူမျိုးစုတိုင်းအတွက် တမန်တော်ရှိခဲ့သည်။ လူမျိုးတိုင်းအတွက် လမ်းညွှန်သူရှိခဲ့ သည်ဟု ဖော်ပြထားသည်။ အစ္စလာမ်က လူမျိုးဒေသစွဲမရှိပါ။ ဘာသာ သာသနာကြီးများ သွန်သင်ကြသော ကမ္ဘာ့ကျေးဇူးရှင်ကြီးများကို အသိအမှတ်ပြုသည်။ ယုံကြည်လေးစား သဒ္ဓါတရားထားရန် မေတ္တာပို့ရန်သွန်သင် သည်။ လူမျိုးတိုင်းတွင် နဗီ၊ ဟာဒီများပွင့်ခဲ့ကြောင်း၊ ယင်း လူ့အဖွဲ့အစည်းရှိ ကောင်းသည့်အချက်များကို တွေ့ရခြင်းဖြင့်သိနိုင်သည်။ ဥပမာအားဖြင့် တောင်ပေါ်သားများသည် ဧည့်ဝတ်ကျေကြသည်။ ယဉ်ကျေးသည် ဟုဆိုသူများထက် သစ္စာရှိသည်။ ကျမ်းတော်မြတ်ကုရအာန်တွင် ကောင်းတာအားလုံး အလ္လာ့ဟ်ထံမှလာသည် ဟုဆိုသည်။ အလ္လာဟ်အရှင်သည် အဖိုနှင့်အမ ကြင်ဘက်တစ်စုံမှစပြီး ကမ္ဘာပေါ်တွင် လူ့ဘဝကို စတင်စေခဲ့ရာ ယနေ့လူသားမျိုးနွယ်အားလုံးမှာ ဤကမ္ဘာဦးဖခင်နှင့်မိခင်တို့မှ ဆင်းသက် ပေါက်ဖွားလာကြခြင်းဖြစ်သည်။
ကမ္ဘာပေါ်ရှိလူမျိုးတိုင်းမှ ကောင်းသောအချက်များသည် ဘိုးဘွားဘီဘင်တို့ထဲမှ တရားဓမ္မလမ်းညွှန် နဗီ၊ ရစူလ်၊ ဟာဒီ၊ ဝလီတို့၏ သွန်သင်ချက်များဖြစ်သည်။ ထို့ကြောင့် အစ္စလာမ်က မည်သည့်လူမျိုးကိုမှ အထင်မသေးရပါ။ အားလုံးသောလူမျိုးများသည်နဗီ၊ဟာဒီတို့၏လူမျိုးများဖြစ်ကြသည်။

ကမ္ဘာ့သာသနာပေါင်းချုပ်
လွန်ခဲ့သောနှစ်ပေါင်းများစွာက ပွင့်ခဲ့သော ဗုဒ္ဓမြတ်စွာ၏ထူးခြားချက်မှာ မေတ္တာဖြစ်သည်။ ယနေ့မှ လွန်ခဲ့သော နှစ်ပေါင်း (၂၀ဝ၀)ခန့်တွင်ပွင့်ခဲ့သော အီဆာနဗီခေါ် ယေရှုခရစ် (အီဆာအီဘာသာ) ခရစ်ယာန်သည် ဂရုဏာ၊ လှူဒါန်းခြင်းကို အဓိကထားသည်။ သမိုင်းအရ နှစ်ပေါင်း(၁၄၀ဝ)ကျော်ကပွင့်ခဲ့သော တမန်တော်မုဟမ္မဒ်(ဆွ) ယူဆောင်လာသော သာသနာသည် ညီညွတ်ရေးကို အခြေခံထားသည်ဟု ရာဇဝင်သမိုင်းဆရာတို့က ဆိုကြပါ သည်။ အစ္စလာမ်တွင် ဟိန္ဒူကျမ်း၏ ဝတ္တရား၊ ရဟူဒီတို့၏ တရားစီရင်ခြင်း၊ ဗုဒ္ဓကျမ်း၏ မေတ္တာ၊ ဖါရစီလူမျိုး တို့၏သန့်ရှင်းစင်ကြယ်ခြင်း၊ ခရစ်ယာန်များ၏ ကရုဏာ၊ လှူဒါန်းခြင်း စသည်တို့ပါဝင်သည်။ ထို့ကြောင့် အစ္စလာမ်သည် ကမ္ဘာ့သာသနာပေါင်းချုပ်ဖြစ်သည်။ ကုရ်အာန်သည်လည်း ကမ္ဘာ့ဘာသာ သာသနာတို့၏ ကျမ်းပေါင်းချုပ်ဖြစ်သည်။(ကုရ်အာန်၉၈း၂-၃)

လွတ်လပ်စွာကိုးကွယ်ယုံကြည်ခွင့်
ကုရ်အာန်ကျမ်းတော်မြတ်၏လမ်းညွှန်ချက်အရ လူတိုင်း လူတိုင်းသည် ဘာသာရေးကို လွတ်လပ်စွာယုံကြည် နိုင်သည်။ ကိုးကွယ်နိုင်သည်။ ကျင့်သုံးနိုင်သည်။ “ဘာသာ သာသနာကို ယုံကြည်ရာ၌ အတင်းအဓမ္မစနစ်မရှိ။ အမှားနှင့် အမှန်သည် ထင်ရှားပြီးဖြစ်သည်။” (ကုရ်အာန်ကျမ်း ၂း၂၅၆) အစ္စလာမ်သာသနာကိုပင်လျှင် ကြိုက် နှစ်သက်လိုလားမှလက်ခံရမည်။ မကြိုက် မနှစ်သက်ပါက လက်ခံရန်မလိုကြောင်း အတိအလင်း ဗျာဒိတ်တော် မူထားသည်။ “နှစ်သက်သူမှ အစ္စလာမ်ကိုလက်ခံပါ။ မနှစ်သက်ပါက ငြင်းပယ်နိုင်ပါသည်။” (ကုရ်အာန်ကျမ်း ၉း၆)
အထက်ပါကျမ်းတော်မြတ်ကုရ်အာန်၏လမ်းညွှန်ချက်များကို လိုက်နာကျင့်သုံးခဲ့ကြ သည့် အတိတ်ခေတ်ရှိ မွတ်စလင်တို့၏ စိတ်ထားမွန်မြတ်ပုံ၊ အခြားဘာသာဝင်လူနည်းစု များအပေါ်၌ မည်မျှ စေတနာ၊ မေတ္တာထားရှိပုံ၊ တရားမျှတပုံတို့ကို ဘာသာခြားစာရေးဆရာများ၊ သမိုင်းသုတေသီများနှင့် ပညာရှင်များ၏ မှတ်တမ်းမှတ်ရာ များဖြင့် အနည်းငယ်တင်ပြလိုပါသည်။ တမန်တော်မြတ် သက်တော်ထင်ရှားရှိစဉ်ကာလတွင် မဒီနာမြို့ရှိ  ဘာသာခြားများနှင့်ဆက်ဆံမှု၊ ပထမဆုံးစစ်ပွဲဖြစ်သော ဗဒရ်စစ်ပွဲတွင် ဖမ်းဆီးရမိသော သုံ့ပန်းများအပေါ် ဆက် ဆံပြုမူခဲ့မှု၊ မက္ကာမြို့တော်ကို အောင်နိုင်ပြီးနောက်တွင် တမန်တော်မြတ်သည် မိမိအား နှိပ်စက်ကလူပြုခဲ့သူများ ကိုလည်းကောင်း၊ မိမိ၏သမီးဇိုင်နဗ်ကို သတ်ဖြတ်ခဲ့သူကိုလည်းကောင်း၊ မိမိ၏ဘကြီးတော် ဟမ်ဇာသခင်ကို သတ်ဖြတ်ခဲ့သူ ဟဗ်ရှိကိုလည်းကောင်း၊ ဘကြီးတော်၏ရင်ကိုခွဲကာ နှလုံးကို ထုတ်ယူဝါးမြိုခဲ့သူ ဟင်းဒ်ကို လည်းကောင်း ကလဲ့စားချေခြင်းမပြုဘဲ ခွင့်လွှတ်ခဲ့မှုများမှာ ကမ္ဘာ့သမိုင်းတွင်စံတင်စရာဖြစ်ခဲ့ပေသည်။
တမန်တော်မြတ်နောက်ပိုင်းတွင် အစ္စလာမ်နယ်မြေကျယ်ပြန့်လာခဲ့ရာ ဒုတိယ သမ္မတကြီး ဟဇရသ်အွမ္မရ်သခင် လက်ထက်တွင် ဂျေရုဆလင်ကို အောင်နိုင်ခဲ့လေသည်။ အွမ္မရ်သခင်သည် ထိုမြို့တွင်နေထိုင်သော မြို့သူ မြို့သားများနှင့် သဘောတူစာချုပ်တစ်ရပ် ချုပ်ဆိုပေးခဲ့သည်။ ယင်းစာချုပ်ပါ အချို့အချက်အလက်များမှာ -  ဂျေရုဆလင်ရှိ နိုင်ငံသား၊ ဘာသာခြားတိုင်းသည် ၎င်းတို့၏ အသက်စည်းစိမ်၊ သားမယား၊ ကိုးကွယ်ရာဘာသာ တရား၊ သာသနာ့အဆောက်အဦးများနှင့် လက်ဝါးကပ်တိုင်များ၊ ဘုရားကျောင်းများနှင့် ၎င်းတို့ပိုင်ဆိုင်သည့် အရာအားလုံး၏ လုံခြုံမှုကို အာမခံချက်ပေးကြောင်း ဝန်ခံသဘောတူညီခဲ့ပြီး ၎င်းတို့၏မြေယာများနှင့် ဘာသာ ရေးဆိုင်ရာတို့တွင် မည်သည့်အနှောက်အယှက်မျိုးမှ မဖြစ်စေရ။ ၎င်းတို့၏ ဘာသာရေးဆိုင်ရာ လှူဒါန်းထား မှုများ၊ ဂုဏ်အင်္ဂါများကို မူလအတိုင်း ထားရှိရမည်။ ဤသည်ကို အနောက်တိုင်းစာရေးဆရာ Lawrence က The Eclips of Christianity in Asia ဟူသောစာအုပ်တွင် ရေးသားမှတ်တမ်းတင်ထားခြင်းဖြစ်သည်။
အိန္ဒိယနိုင်ငံတွင်လည်း မွတ်စလင်မ်တို့သည် နှစ်ပေါင်း(၁၀ဝ၀)ခန့် အုပ်ချုပ် မင်းလုပ်ခဲ့လေသည်။ ကုရ်ှမီရ်မှ မိုက်ဆူရ်အထိ၊ ဂွဂ်ျရာသ်မှ ဘန်ဂါလ်အထိ မွတ်စလင်မ်ဘုရင်တစ်ဦး အာဏာထွားခဲ့သည့်ကာလရှိခဲ့သည်။ ပထမဆုံး ဟိဂျာဂ်ျခေတ်တွင် ဂါဇီမုဟမ္မဒ် ဗင်န် ကာဆင်သည် ဆင်းဒ်ပြည်နယ်အထိရောက်ခဲ့ကြောင်း William Muir က ဤသို့ ရေးသားခဲ့လေသည်။ “ထိုအချိန်က မွတ်စလင်မ်တို့သည် ဟိန္ဒူများ၏ဘုရားရှိခိုးကျောင်း အား လုံးကို မူလအတိုင်း ထားရှိစေခဲ့လေသည်။ ရုပ်ထုများကိုးကွယ်နေကြသည်ကိုသိလျက်နှင့် တားဆီးပိတ်ပင်မှု မပြုလုပ်ခဲ့ပေ။ ယဟူဒီ၊ ခရစ်ယာန်နှင့် ဖါရ်ဆီ လူမျိုးများအားလုံးတို့အား မိမိ ဘာသာတရားအရ နေထိုင်ခွင့်ပြု ခဲ့လေသည်။ ထို့ကြောင့်ပင် မွတ်စလင်မ်အုပ်ချုပ်မှုရှိပါလျက် အိန္ဒိယသည် အစ္စလာမ်နိုင်ငံ မဖြစ်ခဲ့ပေ။”

ကမ္ဘာ့ဘာသာပေါင်းစုံချစ်ကြည်ရေးကိုဖော်ညွှန်းသည့်တမန်တော်မြတ်၏စာချုပ်
ကမ္ဘာ့ခရစ်ယာန်ထုအားလုံးကို ကြေညာလိုက်သည်။ မွတ်စလင်မ်များသည် ခရစ်ယာန်ဘာသာတို့၏ အသက်အိုးအိမ်စည်းစိမ်ဥစ္စာများကို လုံခြုံမှု၊ ကာကွယ်မှုပေးကြ ရမည်။ ဤပဋိညာဉ်ကို အလ္လာဟ်အရှင်မြတ်၏ အလိုတော်အရ ကျွန်ုပ်က ချုပ်ဆိုခဲ့ခြင်း ဖြစ်ပါသည်။ ကမ္ဘာ့တောင်ဖျားမှ မြောက်ဖျား၊ နေဝင်ရာမှ နေထွက်ရာ တိုင်းပြည်အားလုံးရှိ ခရစ်ယာန်ဘာသာဝင်ဟူသရွေ့ကို အစ္စလာမ်ဘာသာဝင်တို့သည် အစွမ်းကုန် အသက် အိုးအိမ်စည်းစိမ်နှင့်ပတ်သက်ပြီး စောင့်ရှောက်မှုပေးကြရမည်။ ၎င်းတို့အား လေးစားကြရမည်။ ဤကတိ စာချုပ် ပါ အချက်များကို သစ္စာရှိစွာလိုက်နာကျင့်သုံးဆောင်ရွက်သူတို့သည် အလ္လာဟ်အရှင်၏ရှေ့တော်မှောက်တွင် အမှုထမ်းဆောင်ပြီးပင်ဖြစ်သည်သာမက ချိုးဖောက်သူတို့သည် အလ္လာဟ်အရှင်၏ရှေ့တော်မှောက်၌ ဒုက္ခဒဏ် ကို မုချခံကြရလိမ့်မည်။ ဤအမိန့်သည် အစ္စလာမ်ဘာသာဝင် တိုင်းဘုရင်ဖြစ်စေ၊ သာမန်လူတန်းစားပင်ဖြစ်စေ ခွဲခြားခြင်းမရှိ။ မွတ်စလင်မ်မှန်သမျှ လိုက်နာကြရမည်။ ကျွန်ုပ်၏နောက်လိုက် လူအင်အား၊ ပစ္စည်းဥစ္စာရတနာ ရွှေ၊ ငွေ အင်အားနှင့် လက်နက်အင်အားခပ်သိမ်းကုန်နှင့် ၎င်းတို့အသက်အိုးအိမ်စည်းစိမ်ကို ကာကွယ်ပေးရ မည်။ ထို့ပြင် ခရစ်ယာန်ဘာသာဝင်တို့၏ ဘုရားရှိခိုးကျောင်းများကိုလည်းကောင်း၊ ゞင်းတို့၏ ကျမ်းစာများကို လည်းကောင်း၊ ၎င်းတို့၏ ကိုးကွယ်ဆည်းကပ်ရာ ဘုန်းတော်ကြီးများကို လည်းကောင်း ကာကွယ်ပေးကြရမည်။
မည်သည့်ခေတ်အခြေအနေဖြစ်စေ၊ မည်သည့်အရပ်ဒေသဖြစ်စေ ခရစ်ယာန်ဘာသာဝင်တို့အား ခြိမ်းခြောက် လာသည့်အန္တရာယ်များမှ တွန်းလှန်ကာကွယ်ပေးကြရမည်။ ကျွန်ုပ်တို့၏တာဝန်သည် ထိုသူများကို အကာ အကွယ်ပေးခြင်းသာဖြစ်၍ အသိပေး၍လည်းကောင်း၊ အသိမပေးပဲနှင့်သော်လည်းကောင်း ကာကွယ်ပေးသွား ရမည်။ ဤကဲ့သို့လုပ်ရခြင်းမှာ ကျွန်ုပ်သည် သစ္စာစောင့်စည်းမှုကိုလက်တွေ့သင်ပြခြင်းပင်ဖြစ်သည်။ အဘယ့် ကြောင့်ဆိုသော် ဤကဲ့သို့သစ္စာပြုထားနှင့်ပြီးဖြစ်ခြင်းကြောင့် ဤယုံကြည်မှုကို မည်သည့်အခါတွင်မျှ စွန့်လွှတ် ခြင်းပြုခွင့်အလျဉ်းမရှိပြီ။ ဘေးအန္တရာယ်ဟူသမျှသည် ခရစ်ယာန်တို့အပေါ်မကျရောက်စေပဲ ကျွန်ုပ်နှင့် မွတ်စလင်မ်တို့ကသာလျှင် ရှေ့တန်းက ခါးစည်းပြီး ရင်ဆိုင်ကြရမည်။ မည်သူတစ်ဦးတစ်ယောက်မျှ ၎င်းတို့၏ဘာသာဂိုဏ်းချုပ်များကို နှိမ့်ချခြင်း၊ ဘုန်းတော်ကြီးများကို ဘုရားရှိခိုးကျောင်းများမှ ထုတ်ပယ်ခြင်း၊ ခရစ်ယာန်ဘာသာဝင်များကို ခရစ်ယာန်ဂိုဏ်းများမှလည်းကောင်း၊ ရသေ့များကို ၎င်းတို့စင်္ကြံကျောင်းများမှ လည်းကောင်း၊ သာသနာပြုများကို ၎င်းတို့၏နောက်လိုက်မှ သီးခြား ခွဲထားနှောက်ယှက်ခြင်းကိုလည်းကောင်း လုံးဝမပြုလုပ်ကြရ။ ထို့ပြင် ခရစ်ယာန်ဘုရားရှိခိုးကျောင်းမှ အုတ်၊ ကျောက်ခဲ စသည့် မည်သည့်အသုံး အဆောင်ကိုမျှ မွတ်စလင်မ်ဗလီကျောင်းများအတွက် အသုံးပြုရန် မယူဆောင်ကြရ။ အထက်ပါစည်းကမ်း များကို ချိုးဖောက်ဖျက်ဆီးသူသည် ထာဝရသခင်၏ သစ္စာတော်ကို ချိုးဖောက်သူပင်မည်၏။ ခရစ်ယာန်တို့အား ၎င်းတို့အိုးအိမ်များကို အဓမ္မစွန့်လွှတ်စေပြီး မွတ်စလင်မ်တို့နှင့် အတူ ရန်သူများအား တိုက်ခိုက်ရန် မခေါ်ဆောင် ရ။ ထိုသူများအး အသက်ပေး၍ ကာကွယ် ကြရမည်။ မည်သည့်ကိစ္စတွင်ဖြစ်စေ ကျွန်ုပ်တို့သည် ထိုသူများထံမှ ငွေကြေးအကူအညီကို မယူသင့်။ သို့ရာတွင် ၎င်းတို့စိတ်စေတနာအလျောက် ထောက်ပံ့လာခဲ့ပါက ခေတ္တအား ဖြင့် အသုံးပြုနိုင်သည်။ သို့ရာတွင် ထိုငွေကို မွတ်စလင်မ်ပြည်သူ့ဘဏ္ဍာ 'ဘိုင်တွလ်မာလ်'မှ ပြန်လည်ပေး ဆပ်ရန် ကတိပြုခဲ့ပြီးဖြစ်ရမည်။ ခရစ်ယာန်ဘာသာဝင် များကို ပစ်ပစ်ခါခါ ရုန့်ရင်းကြမ်းတမ်းစွာ ဆက်ဆံခြင်း များကို မပြုလုပ်ရ။ ၎င်းပြင် အစ္စလာမ်ဘာသာသို့ ကူးပြောင်းရန်ခြိမ်းခြောက်ခြင်း၊ နိုင်ထက်စီးနင်း ပြုလုပ်၍ ဘာသာသွတ်သွင်းခြင်းများကို မပြုလုပ်ကြရမည့်အပြင် တိုင်ပင်ဆွေးနွေးရာ၌ပင် အဓမ္မတိုက်တွန်းခြင်း မပြုလုပ် ရ။ ကြင်နာယုယစွာ ဆွေးနွေးခြင်းကိုသာ ခွင့်ပြုသည်။ ထိုကဲ့သို့ ဆွေးနွေးရာတွင် ၎င်းတို့အား နစ်နာစေမည့် စကားလုံးများကို မသုံးနှုန်းရ။ ခရစ်ယာန်တစ်ဦးအား အခြားဘာသာဝင်နှင့်အိမ်ထောင်ပြုရန် အဓမ္မတိုက်တွန်း ခြင်းမပြုရ။ ထို့ပြင် ခရစ်ယာန်သမီးပျိုကိုလည်း မွတ်စလင်မ်သားယောကျာ်းလေးအတွက် အဓမ္မတောင်းရမ်းခြင်း မပြုလုပ်ကြရပေ။ မွတ်စလင်မ်တစ်ဦးထံ လာရောက်နေထိုင်သော ခရစ်ယာန်တစ်ဦးသည် မိမိယုံကြည် အား ထားသည့်ဘာသာကို လွတ်လပ်စွာကိုးကွယ်ဆည်းကပ်နိုင်၍ လွတ်လပ်စွာ နေထိုင်စားသောက်ခွင့်လည်း ရှိရ မည်။ ခရစ်ယာန်များသည် မိမိတို့ ကျောင်း၊ ကန်၊ ဘုရားများကိုပြုပြင်လို၍ အကူအညီ တောင်းလာခဲ့ပါက မွတ်စလင်မ်များသည် တာဝန်ကျေပွန်စွာ ၎င်းတို့ဘာသာထုံးစံနှင့် လျော်ညီအောင် ပြုလုပ်ပေးရမည်။
ဤစာချုပ်ကို သက်သေအဖြစ် အဆွေတော်ကြီးများဖြစ်ကြသည့် အဗူဘကရ်သခင်၊ အွမ္မရ်သခင်၊ အွတ်ဆမန် သခင်နှင့် အလီသခင်တို့အပါအဝင် ဆွဟာဗာသာဝကပေါင်း (၃၀) က လက်မှတ်ရေးထိုးထားကြသည်။
[မှတ်ချက် ။ ။ ဤစာချုပ်သည် ခရစ်ယာန်ဘာသာတစ်ခုတည်းသာမဟုတ်။ ဘာသာအားလုံးကို ကိုယ်စားပြု ထားပြီး အထက်ပါအချက်များသည် အကျဉ်းချုပ်အားဖြင့်သာ ဖော်ပြထားခြင်းဖြစ်ပါသည်။ အကျယ်သိလိုပါက ဆရာဝါးခယ်မမောင်မင်းနိုင်ရေးဘဝအလှတရားလမ်းညွှန်(စာ-၂၃၀)တွင်ရှုပါရန်။]

ကမ္ဘာ့ငြိမ်းချမ်းရေးကိုတည်ဆောက်ရန်လိုအပ်ချက်
အစ္စလာမ်က ကမ္ဘာ့ငြိမ်းချမ်းရေး (Global Peace) ကိုတည်ဆောက်ရယူစေနိုင်မည့် လူသားချင်း စာနာမှု စိတ်ဓါတ်ကို တိုက်တွန်းသည်။ မည်သည့်အစွဲမှမထားပဲ လူအချင်းချင်းအကြားဝယ် အပြန်အလှန် အတုံ့အလှည့် သဘောထားကြီးမှု၊ ခင်မင်ရင်းနှီးမှု နှင့် မေတ္တာ၊ ဂရုဏာ အကြင်နာပွားများရေးကို အားပေးသမှုပြုသည်။ ဘာသာအယူဝါဒ ကွဲပြားမှုကိုအကြောင်းပြုပြီး မုန်းတီးမှုနှင့် ဝန်တိုမစ္ဆရိယမပွားစေရေးကိုဆုံးမသည်။ ငြိမ်းချမ်း ရေးသည် ဘာသာတရားအားလုံး၏ ပင်မအခြေခံပင်ဖြစ်ပါသည်။ ကမ္ဘာ့ရွာကြီး ငြိမ်းချမ်းသာယာလှပဝေဆာ နေ ရေးအတွက် စုပေါင်းဆောင်ရွက်ရန်သည်ပင် ဘာသာဝင်အသီးသီး၏ မြင့်မြတ်သောတာဝန်ဖြစ်ပါသည်။ လူသား ၏ မြင့်မားလှသည့် ဦးတည်ရည်ရွယ်ချက်များမှာလည်း ငြိမ်းချမ်းပကတိ ရှိရာ ဝန်းကျင်ကြီးသာမရှိခဲ့ပါက ထမြောက်အောင်မြင်နိုင်စရာမရှိပေ။ လူတစ်ဦးချင်း၏ နာမ်ပိုင်း၊ ရုပ်ပိုင်း တိုးတက်မှုများရော၊ ကိုယ်ကျင့်တရား ရေးရာ တိုးတက်မှုများမှာပါ ငြိမ်းချမ်းသောဝန်းကျင်ရှိနေမှသာလျှင် ပကတိငြိမ်းချမ်းရာကိုဖြစ်စေနိုင်ပေမည်။ ထို့ အတွက် လူမှုကိစ္စအဝ၀ကို ဆောင်ရွက်နိုင်ရန်နှင့် ကောင်းသောလူ့အဖွဲ့အစည်းကို တည်ဆောက်ရန်အတွက် ငြိမ်းချမ်းသောဝန်းကျင်မှာ အဓိကမရှိမဖြစ်လိုအပ်ပေသည်။ “လူသားလူ့ဂုဏ်ကို တန်ဖိုးထားတတ်ပါမှ ကြီးပွား တည်တံ့နိုင်မည်။ ဒါကြောင့် ဘာသာစကား၊ မျိုးနွယ်နဲ့အသွေးအရောင်ကို ပဓါနမထားပဲ ညီရင်းအစ်ကို မိသားစု လူ့ဘောင်ကြီးရှိဖို့ အလွန်ကိုလိုအပ်ပါသည်။ ဒါပေမယ့် ကျဉ်းမြောင်းတဲ့ လူမျိုးရေးဝါဒကို ရှေ့တန်းတင်နေသရွေ့ လူသားအားလုံးကို အလ္လာဟ်အရှင်ရဲ့ မိသားစုလို့မမြင်သေးသရွေ့ ကမ္ဘာမှာ ဗြဟ္မစိုရ်တရား မထွန်းကားနိုင်ပါ ဘူး။ သာယာတဲ့ ငြိမ်းချမ်းတဲ့ လူသားကမ္ဘာကြီး ကို တည်ဆောက်နိုင်ကြမှာမဟုတ်ပါဘူး။” ကမ္ဘာ့စာဆိုတော်ကြီး ဒေါက်တာအိကဗားလ်၏ ကမ္ဘာ့ငြိမ်းချမ်းရေးအတွက် တင်ပြချက်ဖြစ်ပါသည်။ အေးချမ်းစွာအတူ ယှဉ်တွဲနိုင်ရေး ငှာ ကြိုးပမ်းရာ၌ ကမ္ဘာ့မိသားစုစိတ်ဓါတ်ကို လက်တွေ့ထားရှိကျင့်သုံးကြဖို့က အဓိကဖြစ်သည်။ လူ့ဝန်းကျင်ရှိ Eco-system ကြီးတစ်ခုလုံးနှင့် သဘာဝရင်းမြစ်တွကို စောင့်ရှောက် ထိန်းသိမ်းပေးရာမှာလည်း ငြိမ်းချမ်းရေး လုပ်ငန်းစဉ်တစ်ရပ်ပင်ဖြစ်သည်။ သတ္တလောကကို စောင့်ရှောက်ရန်နှင့် သဘာဝအင်အားစုတို့သည် လူသား အတွက်ဖြစ်ကြောင်း ကျမ်းမြတ်ကုရ်အာန်တွင်ဖော်ပြထားသည်။ ကုရ်အာန်ကျမ်း (၂း၁၁)တွင် - ဤကမ္ဘာ မြေ ဝယ် ပျက်စီးရာ ပျက်စီးကြောင်း ကိစ္စရပ်များကို မပြုကြလေနှင့်။ ပတ်ဝန်းကျင် ညစ်ညမ်းမှုအပါအဝင် အိုဇုန်းလွှာ ပေါက်မှု၊ သစ်တောပြုန်းတီးမှုမှအစ ဖန်လုံအိမ်အာနိသင်အဆုံး၊ လူသားထုအပေါ် အနိဋ္ဌာရုံသင့်စေ မည့်ကိစ္စ ခပ်သိမ်းအား ရှောင်ကျဉ်ခြင်းဖြင့် ဝေနေယျခပ်သိမ်း၏ ငြိမ်းချမ်းရေးကို ပကတိ တည်ဆောက်ရယူသွားရန် တိုက်တွန်းချက်ပင်ဖြစ်ပါသတည်း။

အစ္စလာမ်နိုင်ငံရှိဘာသာခြားတို့၏အဆောက်အဦးများ
အင်ဒိုနီးရှားနိုင်ငံတွင် “မွတ်စလင်မ်ဘာသာဝင်ဦးရေ အများဆုံးနေထိုင်ကြသော်လည်း ကမ္ဘာ့အကြီးဆုံး ဗုဒ္ဓဘာသာဝင်အဆောက်အဦး ‘ဗောရောဗုဓော’ စေတီတော်ကြီး ကို မိမိတို့ကိုယ်ပိုင် အမျိုးသားယဉ်ကျေးမှု အမွေအနှစ်တစ်ရပ်အဖြစ် အားလုံးကပင် လက်ခံဂုဏ်ယူကြလေသည်။ (ဒေါက်တာတင်ထွန်းဦး၊ သုတစွယ်စုံ၊ ၁၉၈၃-ခု၊ ဇန်နဝါရီလ) ပါကစ္စတန်နိုင်ငံတွင်လည်း ဗုဒ္ဓဘာသာဝင်တို့၏ တက္ကသီလကျောင်းတော်ကြီးကို ရှေးဟောင်းယဉ်ကျေးမှု အမွေအနှစ်အဖြစ် ကောင်းစွာထိန်းသိမ်းစောင့်ရှောက် ကာကွယ်ပေးထားသည်။ မလေးရှားနိုင်ငံ ကီလန်တန်နယ်သည် မလေးရှားနိုင်ငံ၏ အစ္စလာမ်သာသနာ အချက်အချာအဖြစ် လူသိများ သည့် နယ်မြေဖြစ်၏။ ထိုနယ်မြေတွင် အရှေ့တောင်အာရှ တွင် (တင်ပျဉ်ခွေစေတီများအနက်) အကြီးဆုံး ဖြစ်သည့် ဉာဏ်တော် ၃၁.၅မီတာရှိသော ဗုဒ္ဓဆင်းတုတော်ကြီးရှိနေသည်။ မလေးရှားနိုင်ငံက ကောင်းစွာ ထိန်းသိမ်း စောင့်ရှောက် ပေးထားသည်ကို ယခုတိုင်မြင်တွေ့နေရပါသည်။ (Asia Magazine - 8.11.95)

နိဂုံး
ဘာသာပေါင်းစုံချစ်ကြည်ရေးကို ဖော်ဆောင်ရာတွင် အစ္စလာမ်က လူသား အားလုံးသည် တစ်အုံတုံဆင်း ညီရင်းအစ်ကိုမောင်ရင်းနှမများဖြစ်ကြသည်။ သို့အတွက် လူနှင့်လူအကြားတွင် သွေးခွဲခြားသည့်စနစ်ဆိုး လုံးဝ မရှိရဟု ဆိုထားပါသည်။ အသားအရောင်ဖြူခြင်း၊ မည်းခြင်း စသည့် အသားအရောင်ခွဲခြားမှု ပြဿနာ ကြီးသည် လူနှင့်လူအကြား စံထားဂုဏ်တင်ပြောဆိုစရာကိစ္စဟူသောချက်ကို ပြစ်တင်ရှုံ့ချသည်။ အလးတူပင် ဘာသာ စကားကွဲပြားမှုကြောင့် ဂုဏ်သိမ်ငယ်စရာဟု ဆိုစရာလည်း မရှိပေ။ လူလူချင်းအကြား စံထားဂုဏ်တင်ပြောဆိုရ မည့်ကိစ္စမှာ ယုံကြည်ချက်နှင့် အသိ ပညာ၊ ဗဟုသုတ၊ အလိမ္မာ၊ စာနာတရား၊ ချစ်ခြင်းမေတ္တာနှင့် အကျင့်သီလ သာလျှင်ဖြစ်သည်။ 'အို ... လူသားတို့၊ ငါအရှင်သည် အသင်တို့အား တစ်ခုတည်းသော အဖိုအမ မှ ဖန်ဆင်း တော်မူပြီး အသင်တို့အချင်းချင်း သိလွယ်စိမ့်သောငှာ အမျိုးအနွယ်အဖုံဖုံကို ဖြစ်စေတော်မူသည်။ တကယ် တမ်း၌ အလ္လာဟ်အရှင်မြတ်၏ အမြင်ဝယ် အသင်တို့အတွင်းမှ အမြတ်ဆုံးသောသူမှာ အသင်တို့အနက် အကျင့် သီလ အမွန်မြတ်ဆုံးသောသူပင်ဖြစ်သည်။' (ကုရ်အာန်ကျမ်း ၄၉း၃၃) တမန်တော်မြတ်(ဆွ)က မိန့်ကြားတော် မူသည်မှာ ‘အာရဗ်အမျိုးသားများသည် အာရဗ်မဟုတ်သူတို့ထက် ကြီးကဲမြင့်မြတ်ခြင်းမရှိ” ဟူ၏။
ဤအချက်ကိုသာ လူတိုင်းကလက်ခံကြမည်ဆိုလျှင် သွေးခွဲခြားမှု၊ အနိဋ္ဌာရုံဆိုး အဝ၀ကို လုံးဝမြေမြှုပ်သင်္ဂြိုလ် နိုင်မည်ဖြစ်ပြီး လူအချင်းချင်းအကြားဝယ် မိသားစုစိတ်ဓါတ်၊ ညီရင်းအစ်ကိုစိတ်ဓါတ် အမှန်တကယ် ထွန်းကား လာပေမည်။ ထို့ကြောင့်ဂျော့ဘားနတ်ရှောက သူ၏ The Genuine Islam တွင် ‘အကယ်၍ မုဟမ္မဒ် ကဲ့သို့သော ပုဂ္ဂိုလ်ကသာ ယနေ့ကမ္ဘာကြီးအား အုပ်ချုပ်မင်းလုပ်သွားမည်ဆိုပါက သူက ကမ္ဘာ့ပြဿနာအားလုံးကို အောင် မြင်စွာ ဖြေရှင်းပေးနိုင်မည်ဖြစ်ပြီး တကယ့် ငြိမ်းချမ်းရေးနှင့် တကယ့်ပျော်ရွှင်သုခကို ရစေမည်ကား အမှန်ပင်။”
ကျွန်တော်တို့၏ နှစ်ဘဝခေါင်းဆောင်ကြီး တမန်တော်မြတ်မုဟမ္မဒ်(ဆွ)နှင့်တကွ တစ်ချိန်ကကမ္ဘာကြီးကို ငြိမ်းချမ်းသာယာအောင် ဦးဆောင်ခဲ့သော ဆွဟာဗာသာဝကကြီးများကဲ့သို့ ယနေ့မွတ်စလင်မ်တို့သည် အချင်း ချင်းစည်းလုံးညီညွတ်စွာဖြင့် ကမ္ဘာ့လူသားထုတစ်ရပ်လုံး၏ အကျိုးကို သယ်ပိုးဆောင်ရွက်နိုင်သော စစ်မှန်သည့် မွတ်စလင်မ်၊ မုအ်မင်န် ပီသအောင် ကြိုးပမ်းရန် အစ္စလာမ်သာသနာဝင် မွတ်စလင်မ်တစ်ဦးတိုင်းအတွက် တာဝန်ပင်ဖြစ်ပါတော့သည်။ လူ့အဖွဲ့အစည်းတစ်ခုလုံးအတွင်း အစ္စလာမ်၏ မင်္ဂလာတရားအထွတ်အထိပ်တိုင် ထွန်းကားလာပါက လောကကြီးတစ်ခွင်မှာလည်း အလှပန်းမျိုးစုံဖြင့် ဝေဆာတင့်လန်းနေမည်သာ ဖြစ်ပါတော့ သတည်း။